Zindagi Bas Muskura Ke Rah Gai

Nami Nadri

zindagi bas muskura ke rah ga.i

kyon hamen nahaq rijha ke rah ga.i

vaqt ne apni ravish badli nahin

adamiyyat ghul macha ke rah ga.i

zindagi ghabra ga.i halat se

bebasi apni jata ke rah ga.i

dil ki hasrat aaj tak nikli nahin

dil hi dil men ghaT ghaTa ke rah ga.i

husn valon ki jasarat kya kahen

sharmsari sar jhuka ke rah ga.i

muḌ ke vo ham se muḳhatab kya hue

ek duniya munh bana ke rah ga.i

vo juda.i ki ghaḌi ‘nami’ ki bas

zindagi Tisve baha ke rah ga.i