Tripurari
zindagani ka koi baab samajh lo laḌki
bhuul hi jaao mujhe ḳhvab samajh lo laḌki
ishq karne ki hai ḳhvahish ye main samjha lekin
tum mire jism ke adab samajh lo laḌki
vasl ki raat vo main ne jise ta.amir kiya
hasrat-e-ishq ki mehrab samajh lo laḌki
tum ne barsat ke mausam men jise dekha tha
vo hai sukha hua talab samajh lo laḌki
ishq insan men aurat ko jaga deta hai
log ho jaate hain shadab samajh lo laḌki
meri banjar hui ankhon pe yaqin mat karna
ye bhi la sakti hain sailab samajh lo laḌki
aaj kal tum jo ye mahsus kiya karti ho
tajraba hai koi nayab samajh lo laḌki
ye jo divan mire naam se chhap kar aaya
tum ise zehn ka ḳhunab samajh lo laḌki
Leave a Reply