zindagani ka bana liije chalan husn-e-suluk
log jaise bhi hon rakhiye husn-e-zan husn-e-suluk
sa.i-e-paiham ho ki har din zindagi ka ḳhvab ho
har amal husn-e-amal ho har jatan husn-e-suluk
rahbaro fitna-garo gharat-garan-e-din suno
al-hazar ab chahta hai ye vatan husn-e-suluk
dhuup hai to kaisa shikva aap ḳhud saaya banen
be-gharaz karte hain sab sarv-o-saman husn-e-suluk
muskura.en ranj banTen aur shajar-kari karen
chahte hain aap se koh-o-daman husn-e-suluk
ham bura.i ko bura.i se badal sakte nahin
rah-rau ho ya ho koi rahzan husn-e-suluk
aap bhi ‘ahmad’ faqat naseh na baniye kiije kuchh
har ada husn-e-ada ho har suḳhan husn-e-suluk
Leave a Reply