zikr-e-janan kar jo tujh se ho sake
vaaiz ehsan kar jo tujh se ho sake
raz-e-dil zahir na ho ai dud-e-ah
daagh pinhan kar jo tujh se ho sake
phunkta hai mujh ko ye soz-e-darun
chashm-e-giryan kar jo tujh se ho sake
ai masiha mujh ko hai azar-e-ishq
mera darman kar jo tujh se ho sake
qais ko rota huun ai dasht-e-junun
fikr-e-daman kar jo tujh se ho sake
chup hai kyuun o but khuda ki vaste
kuchh to hun-han kar jo tujh se ho sake
dil to us pe aaj sadqe ho gaya
tu bhi ai jaan kar jo tujh se ho sake
la mughal ki tegh-e-abru ka javab
azm-e-safahan kar jo tujh se ho sake
raz-poshi meri dud-e-ah ki
dud-e-qulyan kar jo tujh se ho sake
khet dikhla mujh ko ai shamshir-e-yar
kar-e-dahqan kar jo tujh se ho sake
khirman-e-mah-e-darakhshan ko uda
kar-e-dahqan kar jo tujh se ho sake
ta-ba-kai yad-e-rukh-e-janan dila
hifz quran kar jo tujh se ho sake
vo pari meri musakhkhar ho ye kaam
ai sulaiman kar jo tujh se ho sake
ek din divar hi pha.dunga main
khair darban kar jo tujh se ho sake
yuun hi zahir ho shab-e-furqat ki subh
daagh pinhan kar jo tujh se ho sake
ai firangan khana-e-viran mira
inglistan kar jo tujh se ho sake
kar mira ghar faiz-e-maqaddam se bahisht
mujh ko rizvan kar jo tujh se ho sake
jhidkiyan di galiyan di dil dukha
ai miri jaan kar jo tujh se ho sake
nazaa men to jaae sharb-e-mai pila
saaqi ehsan ki jo tujh se ho sake
tu hi turbat par miri chadar chadha
mah-e-taban kar jo tujh se ho sake
ai dil-e-nalan kahan tak shor-o-ghul
zabt-e-afghan kar jo tujh se ho sake
‘mehr’ yuun fikr-e-pareshan ta-ba-kai
jama divan kar jo tujh se ho sake
Leave a Reply