zikr aae to mire lab se duaen niklen
shama jalti hai to lazim hai shuaen niklen
vaqt ki zarb se kat jaate hain sab ke siine
chand ka chhilka utar jaae to qashen niklen
dafn ho jaaen ki zarkhez zamin lagti hai
kal isi mitti se shayad miri shakhen niklen
chand ummiden nichodi thiin to aahen tapkin
dil ko pighlaen to ho sakta hai sansen niklen
ghaar ke munh pe rakha rahne do sang-e-khurshid
ghaar men haath na daalo kahin raten niklen
Leave a Reply