Poet
kaash mil jaa.e ham-mizaj koi
mere gham ka bhi ho ilaaj koi
jaag kar raat jab guzarni ho
DhunD leta huun kam-kaj koi
andar aane ka dar to band hua
kaise dil par karega raaj koi
dosto vaqt ki zarurat hai
phir bana.en naya samaj koi
ma.azarat chahte hain milne se
yaad aaya hua hai aaj koi
chup ka taala laga ke honTon par
karta rahta hai ehtijaj koi
iḳhtiyar is qadar to ho ‘fa.ez’
Daal jaa.en naya rivaj koi
Leave a Reply