aaj unhen kuchh is tarah ji khol kar dekha kiye
ek hi lamhe men jaise umr-bhar dekha kiye
dil agar betab hai dil ka muqaddar hai yahi
jis qadar thi ham ko taufiq-e-nazar dekha kiye
ḳhud-faroshana ada thi meri surat dekhna
apne hi jalve ba-andaz-e-digar dekha kiye
na-shanas-e-gham faqat dad-e-hunar dete rahe
ham mata-e-gham ko rusva-e-hunar dekha kiye
dekhne ka ab ye aalam hai koi ho ya na ho
ham jidhar dekha kiye pahron udhar dekha kiye
husn ko dekha hai main ne husn ki ḳhatir ‘hafiz’
varna sab apna hi meyar-e-nazar dekha kiye
Leave a Reply