Ye Hasin Log Hain Tu Inki Murawwat Pe Na Ja

ye hasin log hain tu in ki muravvat pe na ja

khud hi uth baith kisi izn o ijazat pe na ja

surat-e-shama tire samne raushan hain jo phuul

un ki kirnon men naha zauq-e-samaat pe na ja

dil si check-bōk hai tire paas tujhe kya dhadka

ji ko bha jaae to phir chiiz ki qimat pe na ja

itna kam-zarf na ban us ke bhi siine men hai dil

us ka ehsas bhi rakh apni hi rahat pe na ja

dekhta kya hai thahar kar miri janib har roz

rauzan-e-dar huun miri diid ki hairat pe na ja

tere dil-sokhta baithe hain sar-e-bam abhi

baal khole hue taron bhari is chhat pe na ja

meri poshak to pahchan nahin hai meri

dil men bhi jhank miri zahiri halat pe na ja

Leave a Comment