ahmad-khayal

Ghubar-e-Abr Ban Gaya Kamal Kar Diya Gaya

ghubar-e-abr ban gaya kamal kar diya gaya

hari-bhari ruton ko meri shaal kar diya gaya

qadam qadam pe kaasa le ke zindagi thi raah men

so jo bhi apne paas tha nikal kar diya gaya

main zakhm zakhm ho gaya lahu vafa ko ro gaya

ladai chhid gai to mujh ko Dhaal kar diya gaya

gulab-rut ki deviyan nagar gulab kar gaiin

main surkh-ru hua use bhi laal kar diya gaya

tu aa ke mujh ko dekh to ghubar ke hisar men

tire firaq men ajiib haal kar diya gaya

vo zahr hai fazaon men ki aadmi ki baat kya

hava ka saans lena bhi muhal kar diya gaya

More Poems

Leave a Comment