akhtar-bastavi

Chaho To Mera dukh Mera Aazar Na Samjho

chaho to mira dukh mira azar na samjho

lekin mire ḳhvabon ko gunahgar na samjho

asan nahin insaf ki zanjir hilana

duniya ko jahangir ka darbar na samjho

angan ke sukun ki koi qimat nahin hoti

kahte ho jise ghar use bazar na samjho

ujḌe hue taqon pe jami gard ki tah men

ru-posh hain kis qism ke asrar na samjho

ehsas ke sau zaḳhm bacha sakte ho ‘aḳhtar’

iz.har-e-muravvat ko agar pyaar na samjho

More Poems

Leave a Comment