Gham Ata Kar Ki Shadmani De

ġham atā kar ki shādmānī de

jo bhī de mujh ko jāvedānī de

muskurāte haiñ choT khā kar bhī

kuchh to in.ām-e-zindagānī de

rah gayā kaun qadr-dāñ baaqī

kis ko āvāz-e-ḳhush-bayānī de

ham se un kā gurez hai jaa.ez

kyā maza dukh-bharī kahānī de

dhyān kyā de koī tirī jānib

lutf kab tak ġhazal purānī de

aaj tak kitne phal diye us ne

kaun aise shajar ko paanī de

Leave a Comment