Zafar Kaleem
chal paḌe to phir apni dhun men be-ḳhabar barson
lauT kar nahin dekha ham ne apna ghar barson
jada-e-havadis men chal ke dekh le koi
kaise tai kiya ham ne maut ka safar barson
barg-o-bar par us ke haq nahin hamara hi
apne ḳhuun se sincha ham ne jo shajar barson
jo sadaf samundar ki tah men chhan sakte the
DhunDte rahe vo bhi ret men guhar barson
dosto zarurat par kaam aa gaya apne
dushmanon se sikha tha ham ne jo hunar barson
jab mile rafiqon se zaḳhm hi mile ham ko
be-sabab raha dil men dushmanon ka Dar barson
vo bhi kya ajab din the shauq-e-rah-navardi men
ham ne bhi zamane ki sair ki ‘zafar’ barson
Leave a Reply