Robeena Meer
zamane pe gahri nazar karte karte
main thak bhi chuki huun safar karte karte
bahut der kar di mire mehrban ne
inayat ki mujh pe nazar karte karte
ka.i mushkilen a.engi raste men
ye qasid ko meri ḳhabar karte karte
dua.en miri kargar hongi aḳhir
magar chahiye vaqt asar karte karte
zara soch lena ‘robina’ ye dil men
tabi.at ko zer-o-zabar karte karte
Leave a Reply