Sufi

Chehra Pe Jo Tere Nazar Kar Gaya

chehra pe jo tere nazar kar gaya

jaan se vo apni guzar kar gaya

jis ki taraf se tiri ankhen phirin

ashk ke manind safar kar gaya

munh ko dekha apne vo khurshid-ru

sham-e-ghariban ko sahar kar gaya

us ko nikale koi kis taur se

tir-e-mizha siine men ghar kar gaya

rukhsat mauud thi hichki na thi

chalte hue dam ye khabar kar gaya

jo koi baitha tire kuche men aa

uth na saka yaaro vo mar kar gaya

jis ki nazar ‘ishq’ ke uupar padi

chashm ke taiin apni vo tar kar gaya

More Poems

Leave a Comment