chunne na diya ek mujhe laakh jhade phuul
allah kare khana-e-gul-chin men pade phuul
ham-palla hue us se na chhote na bade phuul
ankhon men tula yaar tarazu men pade phuul
ja ja ke bahut zulf ke kuche men ade phuul
lekin na kabhi kaan ke patte se lade phuul
vo murgh-e-chaman hain ki bahar apni khizan hai
kaliyae par-o-bal jab apne to jhade phuul
kuchh bhi hai jinhen azm vahi sadr-nashin hain
hote hain gul-ru-e-sabad sab se bade phuul
sarson bhi nahin phulti ankhon men hamari
jab tak ki chadha jaaen na do-char ghade phuul
raushan-sukhani khatm hai us ghuncha-dahan par
hath-phul ke munh se kabhi aise na jhade phuul
taqdir men zillat thi gul-ru-e-sanam se
thalon ne bahut gor jhankae na gade phuul
ranga ho agar dast-baranjan to hai chandi
vo gul jo na pahne to hain sone ke kade phuul
fariyad kar us dard se ai murgh-e-gulistan
kante ki sinan bandh ke gulchin se lade phuul
kis din na khinche ah-e-sharar-bar ki talvar
kasarat na main ne sipar-e-mah men jade phuul
kya jurm hai kis bulbul-e-shaida ko jalaya
kyuun char-pahar dhuup men hote hain khade phuul
kya sabza-e-rukhsar se nisbat hai chaman ko
kante ye vo hain jin ki hain palle men dhade phuul
ham zakhmiyon ko chandni ki taab nahin hai
sahte hain kadi dhuup nihayat hain kade phuul
daghon ke hi qabil the ham is baagh men ai ‘bahr’
gulchin-e-muqaddar ne diye hain ye sade phuul
Leave a Reply