Sufi
justuju jab tiri nahin hogi
meri manzil koi nahin hogi
main huun chhota to kya ye lazim hai
meri khvahish badi nahin hogi
yuun to jugnu bhi hain hasin lekin
in se to raushni nahin hogi
koi chehra khila nahin lagta
dil men shayad khushi nahin hogi
ab ke basti men hai jo sannata
khatm ye khamushi nahin hogi
ab chalen dasht ko vahan shayad
itni be-raunaqi nahin hogi
khvab ‘masud’ kya vo dekhega
aankh jis ki lagi nahin hogi
Leave a Reply