Hassan Ahmad Awan
tamam taron ko jaise qamar se joḌa hai
miri jabin ko tire sang-e-dar se joḌa hai
ḳhuda ne ḳhud ko ba-zahir chhupa ke rakkha hai
hamare dil ko na jaane kidhar se joḌa hai
visal-o-hijr ki tartib ulTi rakkhi hai
idhar ka silsila us ne udhar se joḌa hai
ḳhuda ne saada qalam se banaya ham sab ko
tire vajud ko apne hunar se joḌa hai
ye chand bhi to tire husn ka bhikari hai
tumhare husn ko kis ne qamar se joḌa hai
tamam lazzaten duniya ke dil men rakkhi hain
ḳhuda ne sukh ko magar apne ghar se joḌa hai
tamam midhaten vaqf-e-ba-nam-e-ahmad hain
tamam zikr ko is tajvar se joḌa hai
Leave a Reply