Khudi Ka Raaz

meri har fikr men tufan ki tughyani hai

aur mire shauq men jazbon ki faravani hai

yuun junun bahta hai dariya ki ravani jaise

aur miri soch men palti hai kahani jaise

main ne to himmat-e-mardan-e-khuda sikhi hai

main ne tuute hue lahjon ki dua sikhi hai

main ne har rang ki khushbu ki ada sikhi hai

main ne har zahir o batil ka uthaya parda

aur taskhir-e-zamana ki lagan dil men liye

apne hathon men mashaqqat ke kade pahne hain

main ne har aql-o-khirad fahm-o-farasat ka sahara le kar

yuun zamane ko baratne ke hunar sikhe hain

main ne jaane hain sabhi raz-e-nihan aur jahan

aur jaana hai khudi hai to makan mera hai

asman mera

zamin meri

jahan mera hai

Leave a Comment