thoḌi ziddi hai magar dekhna thak ja.egi
ek divar mire saath chipak ja.egi
ye batao ki kahin ruk to nahin jaana hai
ye batao ki kahan tak ye saḌak ja.egi
zabt vaala huun magar samne aa kar us ke
janta huun ki miri aankh chhalak ja.egi
sirf peḌon ke hi chehre nahin utre honge
saari basti pe udasi vo chhiḌak ja.egi
raat chaupal men dete the tasalli saare
chand hi roz hain ab fasl bhi pak ja.egi
phal ka phir bojh to us se nahin uThne vaala
baur aate hi agar shaḳh lachak ja.egi
us ne man-bap ka chup-chap kaha maan liya
main to samjha tha ki pankhe se laTak ja.egi
Leave a Reply