Main Jo Hasil Tere Kuche Ki Gadai Karta

main jo hasil tire kuche ki gadai karta

bandagi kahte hain kis shai ko khudai karta

zarre zarre ko tire kuche men tha mujh se ghubar

main jo karta bhi to kis kis se safai karta

moatakif jo tire kuche ke the uthte na kabhi

kaaba khud aa ke agar nasiya-sai karta

soch nahaq hai asiran-e-qafas ke dil ko

kya padi thi jo koi fikr-e-rihai karta

kanpte hathon se khulta na qafas ai sayyad

kaash manzur bhi tu meri rihai karta

‘shad’ dushman ki shikayat ka vazifa be-kar

kya gharaz thi ki mire saath bhalai karta

Leave a Comment