Mera Kiya Tha Main Tuta Ki Bikhra Raha

mera kiya tha main tuuta ki bikhra raha

tere hathon men to ik khilauna raha

ik zara si ana ke liye umr bhar

tum bhi tanha rahe main bhi tanha raha

tere jaane ka manzar hi gham-ḳhvar tha

zindagi bhar jo ankhon se lipta raha

mera ehsas sadiyon pe phaila hua

aisa aansu jo palken badalta raha

ghar ki sab raunaqen mujh se aur main ‘vasim’

taaq par ik diye jaisa jalta raha

Leave a Comment