Sajid Hameed
meri ankhon men nuur bhar dena
chahe phir chuur chuur kar dena
ashiyana bana raha huun main
rizq dena to shaḳh par dena
fitrat-e-dahr ka bharam rah jaa.e
dil ki nadiya ko ik bhanvar dena
tanha tanha bata kaTe kyuun kar
gar safar de to ham-safar dena
kitni mayusiyan hain lahra.i
zindagi ko na.i sahar dena
aag bhaḌkegi zahr utrega
husn ko ishq ki nazar dena
Leave a Reply