Poet
kya ḳhabar thi ye mohabbat ka natija hoga
rat-din dard-e-juda.i men taḌapna hoga
yaar ki diid jo taqdir men hogi hogi
yaar ka vasl muqaddar men jo hoga hoga
jaan to saikḌon ki tu ne nikali hogi
magar arman kisi ka na nikala hoga
mere rone pe ḳhushamad se ye kahna un ka
chup raho chup raho dekho koi rusva hoga
huun vo mai-nosh na chuTegi sar-e-mahshar bhi
saghar ik haath men ik haath men miina hoga
vaqt-e-ruḳhsat jo kaha main ne miloge tum kab
kis shararat se kaha hashr men milna hoga
tum jise apna samajhte ho use ai ‘sabir’
kab hua hai vo kisi ka jo tumhara hoga
Leave a Reply