Ghair Ki Khatir Se Tum Yaron Ko dhamkane Lage

Poet

ghair ki khatir se tum yaron ko dhamkane lage

aa ke mere ru-ba-ru talvar chamkane lage

ji men kya guzra tha kal jo aap rakh qabze pe haath

khuub sa ghure mujhe aur tan ke bal khane lage

dil talab mujh se kiya main ne kaha hazir nahin

ye ghazab dekho machal kar paanv phailane lage

qatl kar kar ye nahin maalum kya guzra khayal

dekh vo bismil mujhe kuchh haif sa khane lage

yaar mujh ko dekh za rona to un sa hijr men

mushfiqana kuchh nasihat jabki farmane lage

jal ke ‘rangin’ main ne ye misraa ‘tajalli’ ka padha

”dil ko samjhao mujhe kya aa ke samjhane lage”