Azm Shakri
jitna tera hukm tha utni sanvari zindagi
apni marzi se kahan ham ne guzari zindagi
mere andar ik naya gham roz rakh jaata hai kaun
rafta rafta ho rahi hai aur bhari zindagi
ruuh ki taskin ke saare dariche khul ga.e
dard ke pahlu men jab aa.i hamari zindagi
sirf thi ḳhana-badoshi ya mohabbat ka junun
hijraten karta raha ik shaḳhs saari zindagi
ek lafz-e-kun kaha abad sannaTe hue
asmanon se zaminon par utari zindagi
Leave a Reply