Zehn Har Su Nigah Karta Hai

Poet

zehn har su nigah karta hai

dil faqat un ki chaah karta hai

haq vo rakhta hai ruThne ka bhi

pyaar jo be-panah karta hai

jo kan-ankhiyon se dekhta hai use

ba-saliqa gunah karta hai

faqr bhi us ka hai shahanshahi

dil ko jo ḳhanqah karta hai

dil subut-e-baqa-e-hasti men

dhaḌkanon ko gavah karta hai

qabl-e-manzil charagh-e-rahguzar

ḳhauf ko sadd-e-rah karta hai

‘shauq’ taḳhliq-e-sher kya jaane

sirf kaghaz siyah karta hai