poet

Ai Junun Phir Mere Sar Par Wahi Shamat Aai

ai junun phir mire sar par vahi shamat aai

phir phansa zulfon men dil phir vahi aafat aai

mar ke bhi jazb-e-dil-e-qais men tasir ye thi

khaak udati hui laila sar-e-turbat aai

masjiden shahr ki ai pir-e-mughan khali hain

mai-kade men to jamaat ki jamaat aai

vo hai khidki men udhar bhiid nazar-bazon ki

aaj us kuche men sunte hain qayamat aai

kabhi ji bhar ke vatan men na rahe ham ‘asi’

roz-e-milad se taqdir men ghurbat aai

More Poems

Leave a Comment