gulshan-e-jag men zara rang-e-mohabbat niin hai
bulbul-e-dil kuun kisi saath ab ulfat niin hai
ashna.i seti mardum ke huun az bas bezar
ruḳh-e-darpan ki taraf chashm kuun raghbat niin hai
kya ajab hai jo diya jaan ko yakbar patang
ta-sahar sham.a kuun jalne seti fursat niin hai
kyuun gareban kuun kiya chaak zi-sar-ta-daman
gul kuun bulbul suun agar tarz-e-muravvat niin hai
mujh kuun bavar nahin paigham-e-zabani qasid
kya sabab hai ki tire haath kitabat niin hai
muntaḳhab kar ke varaq dil pe likhe hain ahbab
garche zahir men mire sher ki shohrat niin hai
na-tavani sati barja hai alamat na karo
rang-e-‘da.ud’ kuun parvaz ki taqat niin hai
Leave a Reply