Rang Maila Na Hua Jama-E-Uryani Ka

Shah Naseer

rang maila na hua jama-e-uryani ka

sar-o-saman hai hamen be-sar-o-samani ka

a.ina dekhe hai vo aur use a.ina

zor aalam hai dila alam-e-hairani ka

dam-e-hasti pe habab apni abas ubhre tha

aankh khulte hi maqam us pe khula faani ka

tishnagi ḳhaak bujhe ashk ki tughyani se

ain barsat men bigḌe hai maza paani ka

zulf gar khinch sake yaar ke tu shane se

haath yak-dast qalam kijiyega ‘mani’ ka

jhaḌ ga.i abar-e-bahari ki bhi sheḳhi lekin

na ghaTa zor mire ashk ki tughyani ka

ai junun roz rahe hai mire daman se laga

huun qadam-bos na kyuun ḳhar-e-bayabani ka

kyuun na angusht-numa hove hilal-abru

zor aalam hai tire qashqa-e-peshani ka

dil na chhuT zulf-e-butan chashm ka bandhe hai ḳhayal

yaad mazmun hai pareshan ko pareshani ka

jam-o-mina jo bane aabla o daagh ‘nasir’

dil ne saman kiya kis ki ye mehmani ka