miri ghazal ki tarah us ki bhi hukumat hai
tamam mulk men vo sab se khub-surat hai
kabhi kabhi koi insan aisa lagta hai
purane shahr men jaise nai imarat hai
jami hai der se kamre men ghibaton ki nashist
faza men gard hai mahaul men kudurat hai
bahut dinon se mire saath thi magar kal shaam
mujhe pata chala vo kitni khub-surat hai
ye zairan-e-ali-gadh ka khaas tohfa hai
miri ghazal ka tabarruk dilon ki barakat hai
Leave a Reply