zehan mera qayas pahne hue
dil hai ḳhauf-o-hiras pahne hue
us ki ankhon men saat dariya hain
aur mire honT pyaas pahne hue
bheḌiye ne ajiib chaal chali
chhup gaya sabz ghaas pahne hue
baiTh jaate hain bam-o-dar akasr
aa.ine as-pas pahne hue
hain jo munh-bole kuchh faqir miyan
ye libade hain ḳhaas pahne hue
baat karta hai shaam sannaTa
ḳhamushi ka libas pahne hue
shab-e-hijran ek saaya mujhe
kyuun Darata hai maas pahne hue
Leave a Reply