Arif Ishtiaque
tumhari yaad taari ho rahi hai
baḌi hi yadgari ho rahi hai
tumhen to lauT kar aana nahin hai
mujhe to intizari ho rahi hai
mire andar koi laḌ mar raha hai
baḌi taḳhrib-kari ho rahi hai
tire kuche men to sazish hui thi
vahan kyuun ah-o-zari ho rahi hai
tire andar kahan sabza ugega
ḳhizan men kasht-kari ho rahi hai
mujhi pe Daal de saara ḳhasara
tujhe kyuun sharmsari ho rahi hai
ye duniya ki mohabbat aur ye duniya
tumhari thi tumhari ho rahi hai
dar-e-aflak se kya jhankta hai
zamin pe mara-mari ho rahi hai
zamin par ek mulk aisa hai jis men
ghazab ki din-dari ho rahi hai
Leave a Reply