Bedam Shah Warsi

Na Suno Mere Nale Hain Dard-Bhare Dar-O-Asare Aah-e-Sahare

na suno mere naale hain dard-bhare dar-o-asare ah-e-sahare

tumhen kya jo koi marta hai mire ai dushman-e-jan be-dad-gare

tiri surmagin ankhon ke sadqe inhen chhed na panja-e-mizhgan se

abhi zakhm-e-jigar hain tamam hare ai mahv-e-taghaful be-khabare

liya ishq men jog bhikari bane tire naqsh-e-qadam ke pujari bane

kabhi sajde kiye kabhi gird phire but sim-bare zarrin-kamre

jo tu ne hazaron vaade kiye lekin vo kabhi iifa na hue

dil hi hain rahe arman mire ai vaada-shikan but hila-gire

‘bedam’ kahen kya kis tarah rahe mar mar ke jiye ji ji ke mare

dar-manzil-e-ishqash dar-badare majnun-e-shorida-sare

More Poems

Leave a Comment