jab bhi dil bhar aaya
ankhen chhalkin
tanhai ke ik goshe men
us ke kandhe pe sar rakh kar
us se dil ki baten kah kar
ji kuchh to halka hota tha
us ki dil-jui ki ungli
meri palkon se rakhshan gauhar chun chun kar
apni palkon ke dhage men
piro ke rakh leti thi
ik din shaam ke gahre saae
shajar ke zardi maail aansu
qatra qatra bahte bahte
meri ankhon men dar aae!
bojhal qadmon se chal kar
us ki banhon men jaana chaha
har goshe men us ko dhund ke haar chuki huun
sab aine tod chuki huun!
Leave a Reply