Kis Ka Darwaza Khatkhatati Hai

kis ka darvaza khatkhatati hai

duur tak ḳhvahish udti jaati hai

dil vo mera ajab bahanon se

todti hai kabhi banati hai

juun hi hoti huun gum kahani men

tiri tasvir DhunD laati hai

das moharram ko pyaas karbal ki

mujh ko har baar hi rulati hai

apni zar-ḳheziyan badhane ko

giili mitti mujhe bulati hai

ishq ‘amabar’ vo be-qarari hai

lagti hai aur badhti jaati hai

Leave a Comment