jo hamen chahe us ke chakir hain
yar-e-shatir na bar-e-khatir hain
yaad hai ham se pyaar se kahna
tujh se ham sab tarah se hazir hain
dil uthavenge tujh se ta-maqdur
sabr karne pe go na qadir hain
yaar o ashiq baham muafiq hon
ittifaq aise shaz-o-nadir hain
vasl ki bin na aai kuchh tadbir
ham se kam ashiqon men bad-bir hain
kuchh qusur apni bandagi men nahin
bandagi se agar muqassir hain
‘hasrat’ ishq-e-butan se maang amaan
jitne hain sab ye sakht kafir hain
Leave a Reply