fitrat-e-ishq gunahgar hui jaati hai
fikr-e-duniya bhi gham-e-yar hui jaati hai
kitna nazuk hai ḳhuda rakkhe mohabbat ka mizaj
ab tasalli bhi dil-azar hui jaati hai
jab se chhini hai tiri yaad ne niind a.ankhon ki
dil ki jo his hai vo bedar hui jaati hai
aah pabandi-e-adab-e-mohabbat tauba
ThanDi har saans gunah-gar hui jaati hai
chhu liya arsh ko mansur ki angḌa.i ne
saf-goi rasan-o-dar hui jaati hai
har tajalli hai tire samne sharminda si
chandni saya-e-divar hui jaati hai
shukriya shoḳhi-e-husn-e-pas-e-parda ka ‘siraj’
aankh be-dekhe gunah-gar hui jaati hai
Leave a Reply