Patthar Se Visal Mangti Hun

patthar se visal mangti huun

main adamiyon se kat gai huun

shayad pa.un suragh-e-ulfat

mutthi men ḳhak-bhar rahi huun

har lams hai jab tapish se aari

kis aanch se yuun pighal rahi huun

vo ḳhvahish-e-bosa bhi nahin ab

hairat se hont katti huun

ik tiflak-e-justuju huun shayad

main apne badan se khelti huun

ab taba kis pe kyuun ho raghib

insanon ko barat chuki huun

Leave a Comment