Poet
ye shaḳh-e-sabz jo piili hui hai
har ik mausam men tabdili hui hai
hui hai shaḳhsiyat be-ab apni
faqat poshak bhaḌkili hui hai
kiya jab bhi nazar-andaz gham ko
giraft-e-gham bahut Dhili hui hai
lagi hai aag jab bhi jhonpaḌi men
to dushman ek ik tiili hui hai
har ik azad hai paband sa kuchh
ghaTaon men hava siili hui hai
barahna-pa chala jab se ‘munavvar’
to ik ik chiiz nokili hui hai
Leave a Reply