duniya-e-tasavvur ham abad nahin karte
yaad aate ho tum ḳhud hi ham yaad nahin karte
vo jaur-e-musalsal se baaz aa to ga.e lekin
be-dad ye kya kam hai be-dad nahin karte
sahil ke tamasha.i har Dubne vaale par
afsos to karte hain imdad nahin karte
kuchh dard ki shiddat hai kuchh pas-e-mohabbat hai
ham aah to karte hain fariyad nahin karte
sahra se baharon ko le aa.e chaman vaale
aur apne gulistan ko abad nahin karte
Leave a Reply