amad-e-fasl-e-baharan nahin jiine deti
vus.at-e-chak-e-gareban nahin jiine deti
hasrat-e-dida-e-namnak rulati hai mujhe
yadash-e-umr-e-gurezan nahin jiine deti
qaid-e-gesu se riha.i ka nahin hai imkan
ḳhushbu-e-zulf-e-pareshan nahin jiine deti
kunj-e-tanha.i men yuun shikva-ba-lab baiTha huun
tangi-e-gor-e-ghareban nahin jiine deti
jan-leva hai ‘muzaffar’ ye taghaful un ka
tirgi-e-shab-e-hijran nahin jiine deti
Leave a Reply