vo zeb-e-shabistan hua chahta hai
ye majmaa pareshan hua chahta hai
buri ho gai shohrat-e-ku-e-janan
koi ḳhana-viran hua chahta hai
tire gham ne sab kaam asan kiye hain
ki marna bhi asan hua chahta hai
chale aate hain sair karte hue vo
gulistan gulistan hua chahta hai
na dekha karo tum ki ab aaina bhi
miri chashm-e-hairan hua chahta hai
nikala hai ye rang ‘hali’ ne ‘salik’
ki har sher divan hua chahta hai