Poet
tum jo daman zara bhigo lete
ham bhi kuchh der khul ke ro lete
ik tiri yaad jo hamari thi
ik tira dard jo bichho lete
alam-e-masti-o-tarab men rahe
ḳhaak ki tirgi men so lete
harf ḳhushbu ke rang men likhti
phuul gajron men jo piro lete
na-rasa.i to ḳhair qismat thi
aur kya bach gaya jo kho lete
kuunj kar la rahi thi sahra men
ab-o-dana vahan bhi bo lete
miT rahi huun rah-e-hazimat men
apne hathon se hi Dubo lete
raat ki shaal oḌh kar yuun ham
reg-e-rah-e-ravan hi ho lete
saans apni mahak mahak jaati
haath se phuul tere jo lete
Leave a Reply