poet

Aalam Mein Agar Ishq Ka Bazar Na Hota

aalam men agar ishq ka bazar na hota

koi kisi bande ka kharidar na hota

hasti ki kharabi nazar aati jo adam men

us khvab se hargiz koi bedar na hota

kahta hai tujhe khaak na duun ghair-e-aziyat

ye dil men agar thi to mira yaar na hota

malum kise thi ye tiri khana-kharabi

main janta aisa to giraftar na hota

aalam ko jalati hai tiri garmi-e-majlis

marte ham agar saya-e-divar na hota

ai shaikh agar kufr se islam juda hai

pas chahiye tasbih men zunnar na hota

zalim mire hasid ki to shadi thi isi men

yaani mujhe dar tak bhi tire baar na hota

dete tiri majlis men agar raah ‘fughan’ ko

us shakhs se hargiz koi be-zar na hota

More Poems

Leave a Comment