jaane kis liye ruThi aise zindagi ham se
naam tak nahin puchha baat bhi na ki ham se
dekho vaqt ki aahaT tez hoti jaati hai
jo saval baaqi hain puchh lo abhi ham se
koi gham idhar aa.e us ko ghurti kyuun hai
aur chahti kya hai ab tiri ḳhushi ham se
ek bhuli-bisri yaad aaj yaad kyuun aa.i
kyuun kisi ke milne ki aarzu mili ham se
us ki ek ungli par ghumti rahi duniya
chand ki tarah har shai duur ho ga.i ham se
Leave a Reply