Fariha Naqvi
zaat ki tirgi ka nauha hain
sher kya hain darun ka girya hain
main samundar kabhi nahin thi magar
mere pairon men saare dariya hain
ab tire baad ye miri ankhen
ranj ka mustaqil Thikana hain
ai mire ḳhvab chhinne vaale
ye mira aḳhiri asasa hain
jo tire samne bhi ḳhali raha
ham tiri diid ka vo kaasa hain
khel ya toḌ ab tiri marzi
ham tire haath men khilauna hain
eid ke din ye sogvar ankhen
bad-shuguni ka isti.ara hain
ham udasi ke is dabistan ka
aḳhiri mustanad havala hain
Leave a Reply