Adil Hayat
ye nahin vo rahguzar kuchh aur hai
mere khvabon ka nagar kuchh aur hai
rang the kal aankh men kuchh aur hi
aaj bhi raqs-e-sharar kuchh aur hai
lab pe mere hai tabassum ka ghubar
haan magar zakhm-e-jigar kuchh aur hai
khud ke hone ka guman hai bhi to kya
samne apne magar kuchh aur hai
shab men thiin charon taraf shadabiyan
hadisa vaqt-e-sahar kuchh aur hai
ho gaya hai khatm ‘adil’ rasta
par tira azm-e-safar kuchh aur hai
Leave a Reply