Kuchh to KHudi Ka Rang Hai Kuchh Be-KHudi Ka Rang

kuchh to ḳhudī kā rañg hai kuchh be-ḳhudī kā rañg

donoñ kā imtizāj hai ye zindagī kā rañg

pesh-e-nigāh mere hazāroñ hī rañg the

dil ne kiyā pasand magar aap hī kā rañg

ye hai fareb-e-chashm ki ye dil kā vāhima

har gul meñ dekhtī huuñ gul-e-kāġhzī kā rañg

us ko bhulā.e garche zamāna guzar gayā

aatā hai yaad aaj bhī mujh ko usī kā rañg

rañgīñ hai jis ke dam se mirī kā.enāt-e-dil

vo hai jamāl-e-yār kī tābindagī kā rañg

aaheñ bharegā kab koī phūloñ ko dekh kar

aa.egā kab kisī meñ bhalā dilbarī kā rañg

is meñ hai rañg tere ruḳh-e-be-misāl kā

sab se judā ho kyuuñ na mirī shā.irī kā rañg

Leave a Comment