kuchh to ḳhudi ka rang hai kuchh be-ḳhudi ka rang
donon ka imtizaj hai ye zindagi ka rang
pesh-e-nigah mere hazaron hi rang the
dil ne kiya pasand magar aap hi ka rang
ye hai fareb-e-chashm ki ye dil ka vahima
har gul men dekhti huun gul-e-kaghzi ka rang
us ko bhula.e garche zamana guzar gaya
aata hai yaad aaj bhi mujh ko usi ka rang
rangin hai jis ke dam se miri ka.enat-e-dil
vo hai jamal-e-yar ki tabindagi ka rang
aahen bharega kab koi phulon ko dekh kar
aa.ega kab kisi men bhala dilbari ka rang
is men hai rang tere ruḳh-e-be-misal ka
sab se juda ho kyuun na miri sha.iri ka rang
Leave a Reply