Saleem Betab
kisi ki nabz pe is tarah ungliyan rakh de
ki tere samne vo dil ki dastan rakh de
main zaḳhm zaḳhm badan ko chhupa.un kis kis se
ḳhuda ke vaste tu haath se kaman rakh de
tu ek baar mujhe dharne de zamin pe qadam
phir us ke baa’d mire sar pe asman rakh de
jo dekhna hai miri ruuh ki tavana.i
to mere jism ko sho.alon ke darmiyan rakh de
uTha sake na agar koi bhi zamir ka bojh
mire hi dosh pe ye bar-e-do-jahan rakh de
ḳhuda ki den ki kya baat hai jo vo chahe
dahan-e-sang men bhi phuul ki zaban rakh de
Leave a Reply