Suleman Khumar
bimar sa hai jism-e-sahar kaanp raha hai
ye kis ne ujalon ka lahu chuus liya hai
ai dost tiri yaad ka mahtab-e-daraḳhshan
ab yaas ki ghanghor ghaTaon men chhupa hai
is daur men sunsan se hain bam-o-dar-e-zist
naghmon ne ḳhamoshi ka kafan oḌh liya hai
sannaTon ke kaf par miri tasvir bani hai
tanha.i ke anchal pe mira naam likha hai
main shahr ki jalti hui saḌkon pe khaḌa huun
vo dasht men ḳharon men mujhe DhunD raha hai
Leave a Reply